પરીક્ષા

વ્હાલા બાળકો,શિક્ષકો અને વાલીઓ તમામ ને વાંચવાલાયક.

          આમ તો એપ્રિલ મહિનો એટલે પરીક્ષાનો મહિનો,બધાય ને આપણું બાળક પ્રથમ નંબરે આવે એવી અપેક્ષા અને આશા હોય છે, અને હોવી જ જોઇએ.દરેક બાળને મન પણ એવું જ હોય છે, આવા સમયે વધારે પડતી આપણી આશાઓ ક્યારેક નઠારી નીવડે છે.તેના કારણો જોવા જઇએ તો ઘણાબધા છે,કારણોની આપણે આવા સમયે ચર્ચા કરવી નથી,કારણ કે તમને બધાય ને ખબર છે આ એપ્રિલ મહિનો છે. હા,પણ પરીક્ષામાં સારા માર્ક લાવવા આપણે સતત પ્રયત્નશીલ રહેવું એ આપણી જવાબદારી છે. એના માટે ચોક્કસ આયોજન હોવું જોઇએ.

અહિં પરીક્ષા પહેલા ધ્યાનમાં રાખવાની કેટલીક બાબતો મારા અનુભવથી મુકી છે,જે આપ સૌ ને કદાચ ઉપયોગી થશે.

·       નિયમિત શાળાએ આવવું.

·       શાળામાં ભણાવેલુ ઘરે પુનરાવર્તન કરી લેવું.ન સમજાય એની જુદી નોધ કરી લેવી અને બીજા દિવસે શિક્ષકને પુછવું.

·       ટી.વી,ઓડિયો કે ટેપરેકોર્ડ સાંભળતા જઇને ક્યારેય ન વાચવું.

·       નક્કી કરો “મારે અમુક ટકા લાવવા જ છે”.

·       પરીક્ષાની તૈયારી પાંચ દિવસ પહેલેથી કરવી.

·       અગાઉ ની પરીક્ષાના પ્રશ્નપત્રો જોઇ એક ટ્રાયલ લઇ લો.

·       પરીક્ષામાં સ્વસ્થ મનથી ઇશ્વરને યાદ કરીને જવું.

·       પ્રશ્નપત્ર આખું વાંચી લેવું,વાંચીને ગભરાવું નહી.

·       માગ્યા પ્રમાણે જવાબ લખવા.

·       બને તેટલા સુંદર અક્ષરોમાં લખવું.

·       સપ્લીમેંટ્રીમાં ચેકચાક ન થાય તેની કાળજી રાખવી.

·       નવા પ્રશ્નનો જવાબ નવા પેજ પર જ લખવો.

·       તમામ જવાબો લખાઇ ગયા પછી આખું જવાબપેપર જોઇ લેવું,જેથી ક્ષતિ સુધારી શકાય.

·       ચાલુ પરીક્ષાએ આજુબાજુ જોવાથી આપણો સમય બગડે છે,પરિણામે સમય ખુટતા ઘણા માર્કસનું લખવાનુ બાકી રહી જવાનો સંભવ છે.

·       ક્યારેય ગભરાવું નહિં.

                  આ શિવાય તમારી આવડત મુજબ આયોજન કરી પરીક્ષામાં સારા ગુણ મેળવો એવી આશા સહ...........